Jusan Invest-ке KASE-де qqq_kz маркет-мейкер мәртебесі берілді

Қазақстандық инвесторлар QQQ_KZ тикерімен KASE-де invesco QQQ trust, series 1 қорын сатып алуға мүмкіндік алды. Бұл қандай қор, оның құрамына қандай компаниялар кіреді және ол инвесторларға неліктен тартымды?

3 маусымда Қазақстан қор биржасы Jusan Invest брокерлік компаниясы ETF us46090e1038 (QQQ_KZ) invesco QQQ Trust, Series 1 акциялары бойынша KASE маркет-мейкер мәртебесін алғанын хабарлады. Бір қағаздың бағасы 450 долларды құрайды (2024 жылдың 30 мамырындағы жағдаймен). QQQ акционерлері әр тоқсан сайын дивидендтер алады.

INVESCO QQQ Trust, ETF - бұл NASDAQ-тағы ең ірі және белсенді сатылатын 100 қаржылық емес компаниялар акциясынан құралған технологиялық секторға кең түрле мүмкіндік беретін бағалы қағаз. Қордың тарихы 1999 жылдан басталады. 2024 жылдың 30 мамырындағы жағдай бойынша QQQ басқаруында жалпы сомасы 248.36 миллиард доллар актив болды.

Бұл ETF NASDAQ биржасында тіркелген ірі компаниялар акциясын сатып алғысы келетін инвесторлар үшін ерекше тиімді инвестициялық таңдау. Олардың көпшілігі әлемге әйгілі технологиялық алыптар. Мысалы, Apple, NVIDIA, Amazon, Google, Tesla және тағы басқа ұйымдарды айтуға болады.

INVESCO QQQ Trust құрамына кіргісі келетін компаниялар үшін белгілі бір талаптар бар. Яғни, NASDAQ биржасында кемінде екі жыл тіркелу, орташа күнделікті сауда көлемі 200 000 акция, сондай-ақ компаниялар тоқсан сайын және жыл сайын есеп беруге міндетті. Мұндай қатаң шарттар инвесторларға қор құрамының сапасы мен сенімділігінің жоғары деңгейіне кепілдік береді.

Invesco QQQ trust технологияға маманданғанымен, оның құрамында басқа да түрлі секторларды табуға болады. Мысалы: 2024 жылғы 30 мамырға арналған QQQ құрамындағы топ 3 сала келесідей: технологиялар, телекоммуникациялар және ұзақ мерзімді тауарлар.

Қордың артықшылықтары туралы айтатын болсақ, үш негізгі компонентті бөліп көрсетуге болады:

• Әртараптандыру: бір инвестицияның арқасында QQQ инвесторлары Nasdaq 100 индексіне кіретін 100 компанияның акцияларына қол жеткізе алады.
• Құны: қор шығындарының басқа ETF-термен салыстырмалы түрде төмен коэффициенті - 0.2%
• Кірістің тартымды әлеуеті: технологиялар мен трансформациялық салаларға назар аудару инвесторларға технологияға азырақ бағытталған және әртараптандырылған қорлармен салыстырғанда жоғары табыс алуға мүмкіндік береді.

Сондай-ақ, инвесторлар тәуекелдерді де зерттеуі керек екенін атап өткен жөн:

• Тар бағыт: QQQ әртараптандырылғанына қарамастан, ол тек 100 компанияның акциясына иелік етеді және топ технологиялық салаларда айтарлықтай салмаққа ие.
• Тек NASDAQ акциялары: технологиялық сектор туралы ақпарат іздейтіндер NYSE биржасында тіркелген ірі технологиялық компаниялардың акцияларын елемейді.
• Жоғары тәуекел: технологиялық сектордың жоғары кірістілік әлеуеті инвесторларды құбылмалылыққа және үлкен секторлық тәуекелге ұшыратуы мүмкін.

Қорытындылай келе, INVESCO QQQ trust, series 1 инвесторлар үшін портфельді әртараптандыру мүмкіндігі және жоғары кірістілік әлеуеті бар орта және ұзақ мерзімді инвестицияларды жүзеге асыру үшін тартымды мүмкіндік деп айтуға болады.

Қазақстандық инвесторлар KASE листингімен бірге салықтық жеңілдіктер түрінде қосымша пайда алады.

Естеріңізге сала кетейік, 2023 жылдың соңында Jusan Invest компаниясы инвесторлар үшін валюталық құралдарға балама ретінде, қазақстандық нарыққа АҚШ мемлекеттік облигацияларын (трежерис) іске қосты.

© 2004-2024 "First Heartland Jusan Invest" акционерлік қоғамы
АРРФР лицензиясы №3.2.239 / 16 25.06.2021